erdoghan: türkiyeni téximu qudret tapquzimiz
türkiye jumhur reisi rejep tayyip erdoghan türkiyeni téximu qudret tapquzush hem téximu güllengen, nopuzluq, küchlük we xatirjemlikke tolghan bir döletke aylandurush arqiliq xelqqe bergen wedisini emelge ashuridighanliqlirini éytti.
türkiye awazi radiyosi xewiri: jumhur reis erdoghan adalet we tereqqiyat partiyesining paytext enqerede ötküzülgen partiye qurulghanliqining 22 – yilliqini xatirilish yighinida söz qildi.
erdoghan sözide, partiyesining 22 yilliq hakimiyet yürgüzgen mezgilde téximu köp démokratiye, téximu köp erkinlik we iqtisadiy tereqqiyat nishan qilinghan yéngi dewrining bashlanghanliqini tekitlep mundaq dédi: «maarip, sehiye, adalet, bixeterlik, qatnash, sanaet, iqtisad, déhqanchiliq saheliride, qisqisi, kündilik hayatning hemme saheliride biz hakimiyet béshigha chiqishtin burun ishlengen xizmetlerdin nechche hesse artuq xizmetlerni ishlep, nahayiti zor muweppeqiyetlerni qolgha keltürduq.»
yashlargha bergen wedisi bolghan «türkiyening 100 yilliq qutluq dewri nishani» gha yétish iradilirining qetiylikini eskertken erdoghan, türkiye jumhuriyiti qurulghinigha 100 yil bolghan bügünki künde, türkiyege birinchi derijilik démokratiye, birinchi derijilik iqtisad we birinchi derijilik kélechek eng uyghun kélidu dep qaraydighanliqlirini eskertip mundaq dédi: «xudayim buyrusa, jumhur reislik wezipisining ustiliq dewride her jehettin téximu güllengen, téximu bixeter, téximu nopuzluq, téximu küchlük we weziyiti téximu tinch türkiye qurush arqiliq xelqimizge bergen wedimizni choqum emelge ashurimiz.»
