erdoghan: térroristlar ya teslim bolidu yaki döletning polat mushtigha duch kélidu

türkiye awazi radiyosi xewiri: jumhur reis rejep tayyip erdoghan paytext enqerede ofitsér oqughuchilarning oqush püttürüsh murasimida söz qildi.

u ularning térrorluqqa qarshi turushta ünümlük netijilerni qolgha keltürgenlikini tekitlep, bölgünchi térrorluq teshkilati p k k ning uwisi bolghan iraqning qandil rayonida we ularning süriyediki bashlamchilirini nepes aldurmighanliqini qeyt qildi.

u yalghanchiliqqa tolghan teshwiqatlargha aldinip taghqa élip kétilgen yashlarning kündin-künge aziyiwatqanliqini eskertip, térrorluq teshkilatlirigha qatnishishning tarixidiki eng töwen sewiyege chüshüp qalghanliqini bildürdi.

u: «türkiye eng axirida térrorluq apitidin choqum qutulidu. daéshqa qarshi turushni bahane qilip, yük mashinilirida bérilgen qorallar we chong <aka> lirining qollishi, térrorchilarni saqlawatqan achchiq teqdirdin qutulduralmaydu. dölitimizde we rayonimizda kelgüside héchqandaq térrorluq teshkilatigha orun yoqluqini yene bir qétim tekitleymen. térroristlar ya pushayman qilip türkiye adalitige teslim bolidu, yaki  döletning polat mushtigha duch kélidu. ularning aldida buningdin bashqa héchqandaq yol yoq» dédi.

u ege déngizida köchmenlerning ölüshining aldini alghanliqlirini bildürüp: «beziler ege déngizida bu kishilerni ölümge ittiriwatqanda, biz ularni déngiz qirghiqi muhapizet etritimiz bilen bu dolqundin qutulduruwatimiz. mana bu türkiyening merhemetlik tuyghulirining eng roshen ipadisi» dédi.

u süriyening shimalida menggülük turalghu qurulushlirining dawam qiliwatqanliqini bildürüp: «bu turalghular pütkendin kéyin, texminen 1 milyon qérindishimiz xatirjem halda wetinige qaytalaydu» dédi.