türkiye milliy istixbarat idarisi p k k gha ejellik zerbe berdi
türkiye saqchiliri we axbarat xadimlirini qestlep öltürüsh üchün terbiyelengen bölgünchi térrorluq teshkilati p k k ezasi «bawér botan» leqemlik bekir qina iraqta bir terep qilindi.
türkiye awazi radiyosi xewiri: melumatlargha qarighanda, 2019-yili iraqqa bérip, bölgünchi térrorluq teshkilati p k k ning sépige qétilghan bekir qina hazirghiche iran we iraqta térrorluq paaliyetlirini élip barghan.
bölgünchi térrorluq teshkilati p k k ning bekir qinani türkiye qoralliq qisimliri, saqchiliri we milliy istixbarat idarisi xadimlirini qestlep öltürüshi üchün, iraqning türkiye bilen bolghan ariliqi 150 kilométir kélidighan sulaymaniye shehiride terbiyeligen hem her xil qoral – yaraghlarni ishlitishni ögetkendin kéyin, qanunsiz yollar bilen türkiyege ewetmekchi bolghanliqi éniqlap chiqilghan.
türkiye milliy istixbarat idarisi bu yip uchigha asasen derhal heriketke ötüp, térrorchi bekir qinani qestlep öltürüsh meshiqi qiliwatqanda bir terep qilghan.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.