fahrettin koja: kowid-19 ning yéngi wariyanti türkiyede körülmidi
türkiye sehiye ministiri fahrettin koja kowid-19 ning yéngi wariyantining hazirghiche türkiyede körülmigenlikini éytti.
türkiye awazi radiyosi xewiri: türkiye sehiye ministiri koja kirshehirde élan qilghan bayanatida, «hergizmu burunqi karantina cheklimiliri yolgha qoyulghan mezgillerni qaytidin yolgha qoyidighan ish yoq, zukamgha qarshi qandaq küresh qilghan bolsaq, yene shundaq bolidu» dédi.
fahrettin koja yene mundaq dédi:
«wirusning bu özgirishchan dewride tesiri kündin-künge aziyiwatqan bir waiyant dewrini körmektimiz. doxturxanida yétish nisbitini ashuridighan héchqandaq ehwal yoq. puqralirimiz xatirjem bolsun, ensirimisun. omumiy qoghdash tedbirlirimiz zukamgha qarita qandaq bolghan bolsa, buningdin kéyinki mezgildimu yene shundaq bolidu. bolupmu sozulma xaraktérlik késelge giriptar bolghan yashanghanlirimiz adem toplashqan muhittin uzaq turushi kérek. wirusning tesirige uchrighan puqralirimizdin özini qoghdishi üchün gheyret qilishi, her daim biz qilidighan normal agahlandurush hésablinidu.»