izmirde 125 qanunsiz köchmen qutquzuwélindi we 47 neper qanunsiz köchmen nazaretke élindi
izmirning dikli, menderes, cheshme we focha rayoni déngiz tewelikide tünügün (20- awghust) 125 qanunsiz köchmen qutquzuwélindi we 47 neper qanunsiz köchmen nazaretke élindi.
türkiye awazi radyosi xewiri: déngiz sahili muhapizet etriti qomandanliq orginining tor bétide élan qilghan bayanatida, dikli we menderes nahiyesi déngiz tewelikide kawchuk kémilerde qanunsiz köchmenlerning bayqalghanliqigha dair melumat tapshuruwalghan déngiz sahili muhapizet etritining paraxotlar bilen rayongha ewetilgenliki bildürüldi.
etret girétsiye qisimliri teripidin türkiyening déngiz tewelikige ittirilgen kémilerdiki 125 qaidisiz köchmenni qutulduruwaldi.
déngiz sahili muhapizet etriti cheshme we focha nahiyesi déngiz tewelikidimu kawchuk kémide kétiwatqan bir türküm qanunsiz köchmenler bayqidi.
déngiz sahili muhapizet etriti teripidin toxtitilghan kémilerdin 47 neper qanunsiz köchmen nazaretke élindi.
qanunsiz köchmenler resmiyetliri tamamlanghandin kéyin, wilayetlik köchmenlerni bashqurush bashqarmisigha tapshurup bérildi.