türkiye amérikani eyiblidi
türkiye amérikaning jenubiy qibris rum terep hakimiyiti hökümitige qaritilghan qoral émbargosini emeldin qaldurush qararini yene bir yil uzartqanliqini eyiblidi.
türkiye awazi radyosi xewiri: tashqi ishlar ministirliqining bayanatida mundaq déyildi:
«biz shimaliy qibris türk jumhuriyiti tashqi ishlar ministirliqining bu heqte körsetken heqqaniy naraziliqini toluq qollaymiz. amérikaning yéqinqi mezgillerde shimaliy qibris türk jumhuriyiti terepke zit rayonda tashlighan tengpungluqni buzghuchi her türlük qedemlirining amérikaning aralda uzun yillardin buyan saqlap kelgen biterep ornigha ziyan yetküzgenlikini shundaqla qibris mesilisige adil, menggülük we sijil hel qilish charisi tépilishigha tosqunluq qilghanliqini shimaliy qibris türk jumhuriyiti bilen birlikte nurghun qétim eskertkenlikimizni eslitip qoyushni xlaymiz. amérikani rayonning muqimliqigha xeter élip kélidighan mezkur siyasetlirini yene bir qétim közdin kechürüshke chaqiriq qilimiz. türkiye képil dölet bolush süpiti bilen tarixiy we qanuniy mesuliyiti dairiside qibris türklirining mewjutluqi, bixeterliki we tinchliqigha kapaletlik qiliishni dawamlashturidu»
