nato türkiyening tunji ayal général mayorini tebriklidi
shimaliy atlantik ehdi teshkilati-nato türkiyening tunji ayal général mayori gökchen firat üchün tebrik bayanati élan qildi.
türkiye awazi radiyosi xewiri: nato ittipaqdash déngiz armiyeliri qomandanliq ishtabining engliyediki shimaliy wodwud herbiy bazisida wezipe ötewatqan gökchen firatning derijisining général mayorluqqa östürülgenlikini tebriklidi.
natoning bu heqtiki bayanatida, türkiye armiyeside derijisi général mayorluqqa östürülgen türkiyening tunji ayal général mayori gökchen firatning natodiki wezipisige munasiwetlik tepsillargha orun bérildi, hemde uning wezipisining nahayiti muhimliqi tekitlinip mundaq déyildi:
«gökchen firatning salahiyiti natoning töt daimiy déngiz armiyesining dölet halqighan muhim wezipilerge qatnishishnimu öz ichige alghan ittipaqdash déngiz armiyelirining paaliyetliri hem herbiy maniwérlirining muweppeqiyetlik bolushida nahayiti zor ehmiyetke ige.»
gökchen firat herbiy ishlar aliy kéngishining qararigha asasen derijisi général mayorluqqa östürülgen. shuning bilen, u türkiyening tunji ayal général mayori unwanigha érishkenidi.
igilinishiche, général mayor gökchen firat engliyediki nato ittipaqdash déngiz armiyeliri qomandanliq ishtabi (MARCOM) da herbiy heriketlerge mesul muawin qomandan süpitide wezipe ötimekte iken.
