nigérdiki türkiye puqraliri istanbulgha élip kélindi
26- iyul nigérda yüz bergen herbiy siyasiy özgirishtin kéyin, hawa teweliki waqitliq taqalghanliqi üchün wetenge qaytalmighan türkiye puqraliri alahide uchush ijazetnamisi bilen istanbulgha élip kélindi.
türkiye awazi radiyosi xewiri: türkiyening niaméyda turushluq elchixanisi bayanat élan qilip, 26- iyul herbiyler hoquqni qoligha alghandin buyan, türkiye hawa yolliri shirkiti ayropilanlirining nigér paytexti niaméygha qatniyalmighanliqini bildürdi.
bayanatta, bu arqa körünüshte, nigérda waqitliq turuwatqan we türkiye hawa yolliri shirkiti nöwetchi ayropilanlirining qatnishini kütüwatqan türkiye puqralirining qaytishi üchün alahide uchush ijazetnamisining élinghanliqi qeyt qilindi.
köpinchisi türkiyeliklerdin terkib tapqan 233 yoluchining paytext niamiédiki xelqara diori xamani ayrodurumidin türkiye hawa yolliri shirkitining TK635 nomurluq nöwetchi ayropilanigha olturup, istanbulgha qarap yolgha chiqqanliqi bildürüldi.
buning nigérdiki türkiye puqralirini tarqaqlashturush emesliki, belki bu dölette waqitliq turuwatqan we türkiyege qaytishqa éhtiyajliq puqralar bilen bashqa yoluchilargha teminlengen purset ikenliki tekitlendi.
türkiye puqraliri olturghan ayropilan türkiye waqti 23.30 etrapida nigérdin qozghilip, etigen saet 05:00 etrapida istanbul ayrodurumigha qondi.
türkiyening niaméydiki elchixanisi, türkiye organliri, türkiye - nigér dostluq doxturxanisining xizmetchiliri we nigérda paaliyet élip bériwatqan türkiye shirketliride ishlewatqan türkiye puqraliri nigérda turushni dawamlashturidu.
26- iyul nigérda hökümetni tartiwalghan herbiy hakimiyet, 6- awghust yüz bérish éhtimali bolghan hujumlargha qarshi nigér hawa boshluqini taqighanidi.
