türkiye pakistangha teziye bildürdi
türkiye pakistanda yüz bergen poyiz weqeside hayatidin ayrilghanlargha teziye bildürdi we yarilanghanlarning tézrek eslige kélishini tilidi.
türkiye awazi radyosi xewiri: türkiye tashqi ishlar ministirliqi tünügün 2023-yili 6 – aughust pakistanda yüz bergen poyiz weqeside jénidin ayrilghanlar üchün teziye bildürdi.
teziyenamide, karachidin rawalpindigha mangghan yoluchilar poyizining rélistin chiqip kétishi netijiside yüz bergen weqede, nurghun kishining qaza qilghanliqidin chongqur qayghurulghanliqi bildürüldi.
teziyenamide, «bu pajielik weqede qaza qilghanlargha allahtin rehmet tileymiz. yéqin- yoruqliridin shundaqla dost we qérindash pakisstan xelqi, hökümitidin hal soraymiz, yarilanghanlarning salametlikining tézrek eslige kélishige tilekdashmiz» déyildi.
pakistanning nawabshah shehiri etrapida, bir yoluchilar poyizining 10 wagoni rélistin chiqip kétishi netijiside 30 kishi qaza qilip, 50 kishi yarilanghan idi.
