daniye bilen shiwétsiye ighwagerchiliklerning ziyinini körüshke bashlidi
türkiye tashqi ishlar ministiri xaqan fidan daniye bilen shiwétsiyediki quran kerimge hujum qilish weqeliri üstide toxtalghanda, ikki döletning bu ighwagerchiliklerning ziyinini körüshke bashlighanliqini bildürdi.
türkiye awazi radiyosi xewiri: tashqi ishlar ministiri xaqan fidan enqerede ezerbeyjantashqi ishlar ministiri jeyxun bayramow bilen birlikte axbarat élan qilish yighini ötküzdi.
u daniye bilen shiwétsiyede quran kerimge qilinghan hujumlargha munasiwetlik uchrishishlarning dawamlishiwatqanliqini eskertti.
u mundaq dédi:
«türkiyening bu heqte qanat yaydurghan diplomatiye paaliyiti muhim ilgirileshni qolgha keltürgendin bashqa, mesilini hel qilish izdinishige yaxshi ülge yaratti dep oylaymiz. islam hemkarliq teshkilatigha eza döletlerning ortaq tirishchanliq körsitishni dawamlashturushi intayin muhim. bu mesilining éghirliqini u döletler (daniye, shiwétsiye) mu bilidu. daniye bilen shiwétsiye ighwagerchiliklerning ziyinini körüshke bashlidi.»
ezerbeyjan tashqi ishlar ministiri bayramow quran kerimge qilinghan hujumlar toghrisida: «musulmanlarning hés-tuyghulirigha renjide etken bu heriketlerni eyibleymiz» dédi.
