erdoghan mudapie sanaiti yermenkisining yépilish murasimida söz qildi
jumhur reis rejep tayyip erdoghan: «biz mudapie sanaitide bösüsh hasil qilidighan, bu sahening yönilishini belgileydighan ilghar téxnikigha ige yéngi mehsulatlar bilen pütün dunyaning hozurigha chiqimiz» dédi.
türkiye awazi radiyosi xewiri: jumhur reis erdoghan istanbulda ötküzülgen 16 – nöwetlik «IDEF-23» xelqara mudapie sanaiti yermenkisining yépilish murasimida söz qilip: «biz mudapie sanaiti saheside bésip ötken musape, bizning hem menbemiz, hem ilham menbesimiz, hemde bizning némilerni qilalaydighanliqining béshariti» dédi.
mudapie sanaitide melum basquchqa kelgen türlerning süritini tézlitidighanliqlirini bildürgen erdoghan: «biz bu sahening éhtiyajini békitip, özgiche hel qilish charilirini otturigha qoyimiz» dédi.
jumhur reis erdoghan: «2002- yili mudapie saheside peqet 57 shirkitimiz paaliyet élip baratti, nöwette bu sanning qanche ikenlikini bilemsiler? 2500 » dégenlerni qeyt qildi.
mudapie sanaitidiki iqtidar we qabiliyetlerni dost we qérindash döletler bilen ortaqlishishni dawamlashturidighanliqlirigha isharet qilghan erdoghan: «bixeterlikke oxshash hayat - mamatliq bir mesilining döletler arisida tehdit we bésim amili qilip ishlitilishi toghra emes» dédi.
jumhur reis erdoghan: «biz kelgüsidiki nishanimizni éksportni ashurup, mudapie sanaiti iqtisad sistémisini kücheytish dep békittuq» dégenlerni sözlirige ilawe qildi.
مۇناسىۋەتلىك خەۋەرلەر
iraqning shimalida térrorchilargha ejellik zerbe bérildi
iraqning shimalida bölgünchi térrorluq teshkilati p k k/y p g ezasi 4 térrorchi bir terep qilindi.