ministir fidan xitay tashqi ishlar ministiri wang yi bilen körüshti

türkiye awazi radiyosi xewiri: diplomatik menbelerdin igilinishiche, xitay kompartiyesi merkizi komitéti siyasiy biyurosi, merkiziy tashqi ishlar komitéti mudiri we tashqi ishlar ministiri wang yi dölitimiz (türkiye jumhuriyiti) tashqi ishlar ministiri fidan bilen körüshken.

ministir xaqan fidan bilen xitay tashqi ishlar ministiri wang yining ayrim we heyetler ara ötküzgen söhbetliri jeryanida, ikki dölet munasiwiti keng dairide muzakire qilinghan.

söhbetlerde, «hökümetler ara hemkarliq komitéti, tashqi ishlar ministirliri meslihet bérish méxanizmi, konsulxana meslihetliri, birleshme iqtisadiy komitét» qatarliq ikki dölet otturisidiki diyalog we kéngishish méxanizmliridin téximu ünümlük paydilinish, iqtisadiy we soda munasiwitini kücheytish, bir belbagh bir yol qurulushi türi bilen ottura karidor pilanining ijra qilinishi, yadro énérgiyesi, déhqanchiliq, xelq awiyatsiyesi, medeniyet we sayahet qatarliq mesililer nuqtiliq muzakire qilinghan.

bu arqa körünüshte, xitay bilen bolghan ikki tereplik sodini téximu tengpung we sijil qurulmigha ige qilish yolida tashlashqa bolidighan qedemler bilen özara meblegh sélishni ashurush mesililirimu muhakime qilinghan.

ziyaret munasiwiti bilen uyghur türklirining ehwalimu muzakire qilinghan.

uningdin bashqa, nöwettiki rayon we xelqara mesililer toghrisida pikir almashturulghan.

bu arqa körünüshte yene, ottura sherqtiki özgirishler, ukrainaning nöwettiki weziyiti we yershari pul- muamile sistémisi qatarliqlarmu muhakime qilinghan.