erdoghan kabénit yighinidin kéyin xelqqe xitab qildi
jumhur reis rejep tayyip erdoghan özlirining türkiye esirini berpa qilish nishanini boylap dawamliq algha ilgirilewatqanliqlirini éytti.
türkiye awazi radiyosi xewiri: jumhur reis erdoghan tünügün paytext enqerediki jumhur reislik mehkimiside ötküzülgen kabinét yighinidin kéyin, xelqqe xitab qildi.
u 21 yildin buyan türkiye ige qilinghan maarip, sehiye, bixeterlik, qatnash, énérgiye we turalghu qatarliq barliq sahelerdiki keng kölemlik ul eslihelerning güllinishning eng muhim heriketlendürgüch küchi bolghanliqini otturigha qoydi.
u sodidin sanaetkiche, déhqanchiliqtin sayahetchilikkiche bolghan ishqa orunlishish we ishlepchiqirishning parawozi hésablinidighan her qaysi sahelerde charqlarning ayliniwatqanliqini tekitlep: «éksport we sayahetchilikimiz her ayda dégüdek rékort yaritip yolini dawamlashturmaqta. dölitimiz xelqara meblegh salghuchilarning diqqitini barghanséri jelp qilmaqta. ötküzgen her qétimliq uchrishishimizda, dölitimizge milyardlarche, on milyardlarche dollarliq meblegh sélish wedisi éliwatimiz» dédi.
jumhur reis erdoghan özlirining türkiye iqtisadini yéqinqi 20 yilda otturiche %5.5 ashurghanliqlirini, döletning kirimini 238 milyard dollardin 1 tirilyon dollargha yetküzgenliklirini we sétiwélish nisbitige asasen, döletni kirim ret tertipide 11- orungha chiqarghanliqlirini eskertti.
ishqa orunlishishni 19 milyondin 32 milyongha, éksportni 35 milyard dollardin 254 milyard dollargha, sayahetchiler sanini 15 milyondin 52 milyongha, sayahet kirimini 12 milyard dollardin 46 milyard 500 milyon dollargha chiqarghanliqlirini bildürgen erdoghan, sözini dawamlashturup: «qisqisi, biz her sahede misli körülmigen muweppeqiyetlerni qolgha keltürüp, bügünlerge yétip kelduq. köpiyiwatqan nopusigha parallél halda emgek küchige qétilish nisbiti örlewatqan türkiyede, ishqa orunlishishning töwenlesh emes, izchil halda éshishi mana bu kartinagha qerzdar» dégenlerni qeyt qildi.
jumhur reis erdoghan özlirining dölet we xelqning her qandaq ghelibisining kichikkinimu chékinishige yol qoymaydighanliqlirini tekitlep, özlirining muqimliq, ishench we sijilliq liniyesini boylap algha ilgirileshni dawamlashturidighanliqlirini sözlirige ilawe qildi.
