türkiye aljiriyege teziye bildürdi
türkiye aljiriyede dawamlishiwatqan dala ot apetliride qaza qilghanlargha teziye bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi yazma bayanat élan qilip, aljiriyening her qaysi wilayetliride dawamlishiwatqan dala ot apetliride nurghun puqra we herbiy xadimlarning hayatidin ayrilghanliqi we yarilanghanliqidin xewer tépip qayghurghanliqini bildürdi.
bayanatta: «ot apetliride qaza qilghanlargha allahtin rehim- shepqet tileymiz, dost we qérindash aljiriye xelqi we hökümitidin hal soraymiz, yarilanghanlarning salametlikining tézrek eslige kélishige tilekdashliq bildürimiz. türkiye bu qiyin künlerde aljiriyege her xil yardemlerni bérishke her waqit teyyar» dégen ibarilerge orun bérildi.
aljiriye ichki ishlar ministirliqi aldinqi küni döletning shimalidiki 11 sheherde bashlanghan dala ot apetliride qaza qilghanlar sanining 34 ke yetkenlikini élan qilghanidi.
