t r t 12 punto axirlashti

türkiye awazi radiyosi xewiri: t r t bash mudiri mehmet zahid sobaji «t r t 12 punto» ning yépilish murasimida söz qildi.

u: «türkiyening axbarat orgini bolush süpitimiz bilen, kinogha ehmiyet bergenlikimizni yene bir qétim tekitliginimizde, biz türkiyediki kinochiliq kesipni küchlük qollighanliqimizning, kinoxana zallirini hemkarliship ishligen filimlirimiz bilen toldurup, bélet kirimi rékorti yaratqanliqimizning xushalliqini yashimaqtimiz» dédi.

bu yil (2023) 16-23-iyul ariliqida 22 oxshimighan döletning ishtirak qilishi bilen üch supida ötküzülgen sénariye tereqqiy qildurush we hemkarliship filim ishlesh supisi bolghan «t r t 12 punto»,  mukapat tarqitish murasimi bilen axirlashti.

«2-t r t» qanilidin biwaste tarqitilghan mukapat tarqitish murasimigha, t r t bash mudiri  mehmet zahid sobajidin bashqa, türk dunyasi we dunya kinochiliq sahesidiki muhim kishiler qatnashti.

t r t bash mudiri mehmet zahid sobaji 12 puntoda yashlarning türkiye we dunya kinochiliqidiki dangliq shexsler bilen tonushalaydighanliqini eskertip, 12 puntoning kinochiliqqa munasiwetlik hemme nersini we bu jeryandiki barliq alaqidar tereplerni öz ichige alghan, ortaq filim ishleshning molliqidin ozuqlinidighan, eng muhimi özgichiliki bilen közge körüngen supa ikenlikini ilgiri sürdi.

u mundaq dédi:

«biz 12 puntoda dölet we xelqaraliq sewiyede medeniyet saheside yéngiliq yaritishqa imkaniyet yaritip bérimiz. yashlar we yéngi idiyeler üchün türkiye we dunya kinochiliqidiki dangliq kishilerning yétekchilik qilishigha érishishte qolayliq yaritimiz. bu sahege yéngi kishiler we eng yaxshi eserlerni élip kelgendin bashqa, yeni kinochiliqning kelgüsini béyitimiz, oxshash endize bolmastin, köp xilliq hökümran bolghan muhitqa töhpe qoshimiz.»

u bu yil 12 puntogha yéngi ölchemlerning qoshulghanliqini bildürüp: «bu yéngi musapening türtkiside, süretke élinip, tehrirlesh basquchigha kirgen t r t hemkarliqidiki töt filim, kannés, wénitsiye, sandans, lokarno we rottérdam filim féstiwalliri bilen tonushti. filimlirimizning 20 minutluq qisimliri tamashibinlar bilen yüz körüshti. aldimizdiki yillarda chong féstiwallarda bu filimlerni körüsh pursitige érishishimizni ümid qilimen. bu yil 12 puntogha 100 din artuq uzun filim we 400 ge yéqin qisqa filim iltimasi sunuldi. ejir singdürgen barliq qatnashquchilargha rehmet éytimiz, kinochiliq xizmititige utuq tileymen» dédi.

«t r t ning hemkarliqida ishlengen filimler yéqinqi üch yilda qatnashqan féstiwallarda 236 mukapatqa érishti»

sobaji türkiyening axbarat orgini bolush süpitide, kinochiliqqa ehmiyet bergenliklirining ehmiyitini tekitlep mundaq dédi:

«biz türkiyediki kinochiliq kesipni küchlük qollighanliqimizning, kinoxana zallirini hemkarliship ishligen filimlirimiz bilen toldurup, bélet kirimi rékorti yaratqanliqimizning xushalliqini yashimaqtimiz. milliy we xelqaraliq bayramlarda bizning mewjutluqimiz we muweppeqiyetlirimiz kündin künge ashmaqta. t r t ning hemkarliqida ishlengen filimler yéqinqi üch yilda qatnashqan féstiwallarda 236 mukapatqa érishti. t r t hemkarliship ishligen nadir filimlerning féstiwallarda we kinoxanilarda qoyulghanliqini éytqandin kéyin, shuni körsitip ötmekchimenki türkiyening xelqaraliq reqemlik supisi <tebiiy> ishqa kirishtürülüp, keng tamashibinlar bilen yüz körüshti. mezkur supa ishqa kirishtürülginige ikki ay bolghan bolsimu, 2 milyon kishilik chong ailige aylandi. biz kinochiliqning her sahe liri we sehniliridiki tirishchanliqimizni dawamliq ashurimiz.»

u bu yil balqan rayonidin intayin muhim méhmanlarni kütüwalghanliqlirini bildürüp: «sérbiye, kirodiye, qaratagh we slowéniye kino merkezlirining bashliqliri hem bizning axirqi hel qilghuch türlirimiz bilen tonushush, hem deöz döletliridiki fond pursetlirini chüshendürüsh üchün bu yerge keldi. ulargha köp rehmet éytimen. kelgüsi bir nechche yilda téximu köp türkiye-balqan hemkarliqida ishlengen filimlerni téximu köp köridighanliqimizgha ishinimen» dédi.

dangliq mukapatlar sahiblirigha tarqitip bérildi

dunya kinochiliqining besh muhim kishisidin terkib tapqan zasédatéllar, yeni t r t ishligen «qoshnidarchiliq hali» filimining diréktori danis tanowich, oskar mukapatigha érishken polshaliq filim ishligüchi éwa puschzinska, sarayéwu filim féstiwalining qurghuchisi mirsad puriwatra , doha filim institutining bash ijraiye emeldari fatma el rémahi we bérlin filim féstiwali yawropa kino bazirining diréktori dennis ruhning bahalishi netijiside, ikki tür üchün «xelqara hemkarliq filim mukapati», üch tür üchün «t r t hemkarliq filim mukapati» , üch tür üchün «t r t aldin sétiwélish mukapati» we alte tür üchün «tür tereqqiyat mukapati» élan qilindi.

mukapatlarni t r t bash mudiri mehmet zahid sobaji, muawin bash mudir muhemmed ziyad warol, bahalash heyitidin éwa puschzinska, dennis ruh, danis tanowich, fatma el rémahi we mirsad puriwatra tarqitip berdi.

buningdin bashqa, bu yil t r t we sarayéwu filim féstiwalining hemkarliqida ishlengen ikki filim  «sarayéwu filim féstiwali mukapati» gha érishti.