haqan fidan: «qanunsiz köchmenlik aq déngiz döletliri duch kelgen ortaq xiristur»
tashqi ishlar ministiri haqan fidan qanunsiz köchmenlikke «aq déngiz döletliri duch kelgen ortaq xiris» dep baha bérip, qanunsiz köchmenlikke qarshi küreshte rayon xaraktérliq hemkarliqning muhimliqini tekitlidi.
türkiye awazi radyosi xewiri: ministir haqan fidan tünügün italiye bash ministiri giorgiya mélonining sahibxanliqida rimda ötküzülgen xelqara tereqqiyat we köchmenler kéngishi yighinigha qatnashti.
axbaratlargha yépiq shekilde ötküzülgen kéngesh yighinida ministir haqan fidanmu nutuq sözlidi.
diplomatik menbelerdin igilengen melumatlargha asaslanghanda, qanunsiz köchmenlikning aq déngiz döletliri bashtin kechürüwatqan ortaq xiris ikenlikini bildürgen haqan fidan, qanunsiz köchmenlikke qarshi küreshte rayon xaraktérliq hemkarliqining muhimliqini tekitligen.
ministir fidan köchmenlik dolqunini toxtitishning muhimliqini tekitlep, buning üchün toqunush we iqtisadiy mesililerni tügitish kéreklikini otturigha qoyghan.
tashqi ishlar ministiri haqan fidan döletler arisida yük bölüshüshning muhimliqini tekitlep, her qaysi döletlerni insanning ghururi we izzet-hörmitini qoghdash üchün chetelliklerge öchmenlik qilish we nepret jinayetlirining aldini élishqa shundaqla xoshpiilliq medeniyitini tereqqiy qildurushqa chaqiriq qilghan.
