ئەلى يەرلىكايا شىرىناكتا ئۇجۇقتۇرۇلغان ئىككى تېررورچى ھەققىدە مەلۇمات بەردى

تۈركىيە ئاۋازى راديوسى خەۋىرى:  ئىچكى ئىشلار مىنىستىرى ئەلى يەرلىكايا ئىجتىمائىي ئالاقە تورىدا ئېلان قىلغان باياناتىدا، 4-ئىيۇلدا شېرناكنىڭ بەستلەر دەرەلەر رايونىدا ئۇجۇقتۇرۇلغان تېررورچىلارنىڭ كىملىكلىرى ۋە ئېلىپ بارغان تېررورلۇق پائالىيەتلىرى ھەققىدە مەلۇمات بەردى.

تېررورچىلاردىن شىفرىلىك ئىسمى <مىرزا باغىران>  ۋە ئەسلى ئىسمى <مىرزا سەزەك> بولغان بىرىنىڭ 2015-يىلدىن 2023-يىلغىچە بولغان ئارىلىقتا بەش ئوخشىمىغان تېررورلۇق ھەرىكىتىگە قاتناشقانلىقى ۋە بۇ ھەرىكەتلەردە 1 ژاندارما ۋە 2 ساقچىنىڭ شېھىت قىلىنغانلىقى تەكىتلىدى.

ئەلى يەرلىكايا يەنە مۇنداق دېدى:

«شىفرىلىك ئىسمى <بېنگىن بەرمانى> ۋە ئەسلى ئىسمى <قاھرامان كاراتاش> بولغان يەنە بىر خائىن تېررورچى بولسا، 2016-يىلدىن 2018-يىلغىچە ئالتا ئوخشىمىغان تېررورلۇق ھەرىكىتىگە قاتناشتى، بۇ ھەرىكەتلەردە 2 ھەربىي خادىم، 7 ژاندارما خادىمى ۋە 7 ئامانلىق ساقلىغۇچى قاتارلىق 16 بىخەتەرلىك خادىمى شېھىت قىلىندى. 16 ئامانلىق ساقلىغۇچىمىز يارىلاندى. شەھىدلىرىمىزنىڭ قېنى يەردە قالمىدى. شۇنى بىلىش كېرەككى، كۈرىشىمىز تېررورلۇق ئاخىرلاشقانغا قەدەر داۋاملىشىدۇ»