dölet mudapie ministirliqi: 794 térrorchi bir terep qilindi
türkiye jumhuriyiti dölet mudapie ministirliqi bu yil kirgendin buyan 794 térrorchining bir terep qilinghanliqini bildürdi.
türkiye awazi radiyosi xewiri: türkiye dölet mudapie ministirliqining bildürüshiche, 1-yanwardin buyan élip bériliwatqan térrorizmgha qarshi küresh dairiside 19 i keng dairilik bolup, jemiy 320 qétim herbiy heriket élip bérilip, 794 térrorchi bir terep qilinghan.
dölet mudapie ministirliqi axbarat wasitiliri we ammiwi munasiwetler meslihetchisi déngiz armiyesi polkowniki zeki aqtürk ministirliqta ötküzülgen muxbirlarni kütüwélish yighinida, türkiye armiyesining bölgünchi térrorluq teshkilati p k k/k j k – p y d/y p g, daésh we fethullahchi térorluq teshkilati qatarliq térrorluq teshkilatlirigha qarshi kürishining keskin dawamlishiwatqanliqini tekitlep mundaq dégen: «1-yanwardin bashlap iraq we süriyening shimalida 19 i keng dairilik, 301 i ottura tipliq bolup, jemiy 320 herbiy heriket élip bérildi. yéqinqi bir hepte ichide élip bérilghan herbiy heriketler dawamida bir terep qilinghan 21 térrorchini qoshqanda, bu yil kirgendin buyan 794 térrorchi bir terep qilindi. 2015 – yili 24 – iyuldin tartip hazirghiche iraq we süriyening shimalida 38 ming 137 térrorchi bir terep qilindi.»