türkiyening parizhdiki elchixanisi sayahet agahlandurushi élan qildi
türkiyening parizhdiki elchixanisi firansiyede turuwatqan yaki firansiyege sayahetke baridighan türkiye puqraliridin firansiye miqyasigha kéngeygen zorawanliq weqelirige qarita hoshyarliqni östürüshni telep qildi.
türkiye awazi radiyosi xewiri: parizhdiki türkiye elchixanisi bayanat élan qilip, naél m isimlik yash shopur saqchilarning oqida qaza qilghandin kéyin, firansiye miqyasida bashlanghan naraziliq namayishliri sewebidin türlük qatnash we ammiwi mulazimetlerde kashila körülgenlikini, ammiwi binalar, shexsiy mal- mülük we ul eslihelerge ziyan yetküzgen zorawanliq heriketlirining meydangha kelgenlikini eskertti.
bayanatta: «mezkur weqeler nezerde tutulup, parizhni öz ichige alghan firansiyediki puqralirimiz yaki firansiyege sayahetke kélidighan puqralirimizning hoshyarliqni pewquladde östürüp, namayish rayonliri we uning etrapidin yiraq turushi, yerlik dairiler, parizhdiki elchixanimiz we konsulxanimizning yüz bérish éhtimali bolghan weqelerning tereqqiyatigha munasiwetlik uqturushlirini yéqindin izchil közitishliri tewsiye qilinidu.
firansiyede yashaydighan yaki bu döletke sayahetke kelmekchi bolghan puqralirimiz, jiddiy ehwal astida, töwendiki alaqilishish uchurliridin paydilinip konsulxana alaqe merkizige iltimas qilsa bolidu.
bayanatta, puqralarning konsulxana alaqe merkizining firansiyediki 0033180146335, türkiyediki 00903122922929 téléfonlirigha téléfon qilsa bolidighanliqi qeyt qilindi.