erdoghan  téléfon diplomatiyesini dawamlashturdi

türkiye awazi radiyosi xewiri: jumhur reis rejep tayyip erdoghan shimaliy qibris türk jumhuriyiti jumhur reisi ersin tatar, ezerbeyjan pirézidénti ilham eliyéw, qazaqistan pirézidénti qasim jomert toqayéw, özbékistan pirézidénti shewket mirziyoyéw, ereb birleshme xelipiliki reisi muhemmed bin zayid ennehyan, somali pirézidénti hesen sheyx mehmud, aljiriye pirézidénti abdulmejid tebbun qatarliq rehberler bilen ayrim - ayrim halda téléfonda körüshti.

téléfon söhbetliride, rehberler özara bir – birining qurban héytini tebriklidi, qurban héytning türk dunyasi we islam dunyasini öz ichige alghan pütkül insaniyet dunyasigha tinchliq,  bext - saadet we beriket élip kélishige tilekdashliq bildürdi.

jumhur reis erdoghan qazaqistan pirézidénti qasim jomert toqayéw bilen élip barghan téléfon söhbitide, qazaqistanning abay rayonida yüz bergen orman ot apetliridin  tolimu epsuslinidighanliqini eskertti, hemde türkiyening bu rayonda élip bérilidighan xizmetlerge tégishlik yardemlerni bérishke teyyar ikenlikini bildürdi.

jumhur reis rejep tayyip erdoghan özbékistan pirézidénti shewket mirziyoyéw bilen élip barghan téléfon söhbitide, 9 – iyul küni ötküzülidighan pirézidént saylimida mirziyoyéwgha muweppeqiyet tilidi, hemde uninggha  3 – nöwetlik istratégiyelik aliy hemkarliq kéngishi yighinining derhal chaqirilishini ümid qilidighanliqlirini éytti.

erdoghan somali pirézidénti hesen sheyx mehmud bilen élip barghan téléfon söhbitide, somalida siyasiy yarishish we tinchliq ornitish musapisini yéqindin közitiwatqanliqini tekitlep mundaq dédi: «silerni dawamliq qollaymiz.»

jumhur reis erdoghan aljiriye pirézidénti abdulmejid tebbun bilen élip barghan téléfon söhbitide, istratégiyelik aliy hemkarliq kéngishining axirqi qétimliq yighinida chiqirilghan qararlarni emeliyleshtürüsh jeryanini yéqindin közitiwatqanliqini eskertip mundaq dédi: «biz silerni dawamliq qollaymiz.»