«‹TRT World› munbiri» yighinida suniy eqil mesilisi muhakime qilindi

türkiye awazi radiyosi xewiri: istanbulda ötküzülgen yighinda «yéngi chégra xaraktérlik achquchluq mesile —   suniy eqil axbarat wasitilirigha qandaq tesir körsitiwatidu?» témiliq ilmiy muhakime yighini ötküzüldi.

jaffar xasnayin riyasetchilik qilghan bu ilmiy muhakime yighinigha, gogul shirkitining asasliq qararlirini chiqirish ishliri diréktori kassi kozirkow, «almost» médiya shirkitining qurghuchisi we bash diréktori cho, «Goodable» médiya shirkitining bash ijraiye emeldari muhemmed lila qatarliqlar qatnashti.

gogul shirkitining asasliq qararlirini chiqirish ishliri diréktori kassi kozirkow ijtimaiy alaqe we yéngi pikirlerni otturigha qoyush mesiliside suniy eqilge sélishturghanda insanlarning téximu mahir ikenlikini bayan qilip mundaq dédi: «suniy eqil ademni meshghul qilidighan ishlarni téximu yaxshi we téximu téz ijra qilalaydu, shundaqla bizning muhim ishlargha diqqitimizni merkezleshtürüshte bizge yardem béridu.»

«almost» médiya shirkitining qurghuchisi we bash diréktori cho süniy eqilni ishlitishte ochuq – ashkara bolushning muhimliqini tekitlidi, hemde bu téxnologiyeni ishlitishte exlaq pirinsiplirigha riaye qilishning zörürlükini eskertti.

«Goodable» médiya shirkitining bash ijraiye emeldari muhemmed lila insanlarning özlirining dunya qarishini ekis ettüridighan uchurlargha ehmiyet bérishni yaxshi köridighanliqini, suniy eqilning  insanlar otturisidiki qutuplishish (terepbazliq) ni ewj alduruwétishidin qattiq  ensireydighanliqini bayan qildi.

«yolni bashqiche tallash —  sayahetning özgirishchan kélechiki» témisidiki ilmiy muhakime yighinigha, sayahetchi we ammiwi taratqu heweskari muhemmed elsélini nutuq sözligüchi süpitide qatnashti.

elsélini «gogul xeritisi» qatarliq her xil qollinishchan pirogrammilarningmu shexslerning sayahet tejribisining tereqqiy qilishida muhim rol oynighanliqini, bu pirogrammilarning suniy eqil sayisida kishilerning qiziqish ehwaligha qarap teklip-pikirlerni béridighanliqini eskertti, shundaqla bu pirogrammilarning sayahetchilikni kündin-künge tereqqiy qilduruwatqanliqini tekitlidi.

«kelgüsige nezer —  ‹TRT World› munbiri» ning «kilimat endishisi —   yashlar oxshimighan pilanétni arzu qilidu» témisidiki ilmiy muhakime qismidimu kilimat ishliri paaliyetchiliri we mutexessisliri «kilimat krizisi» heqqide muhakime élip bardi.

régan dés wignés riyasetchilik qilghan bu ilmiy muhakime yighinigha, kilimat ishliri paaliyetchisi, «Force of Nature» ning qurghuchisi we bash dériktori klowér xogan, «Earth Uprising International» guruhining médiya ishliri guruppisining diréktori rém elsaffar, «BlackGirl Environmentalist» guruhining qurghuchisi wawa gatéru we muhit asrighuchi seyfunmi adébot qatarliqlar qatnashti.

«Force of Nature» ning qurghuchisi we bash diréktori klowér xogan yershariwi mesile bolghan kilimat özgirishi mesiliside heriketke ötülmeslikining «ajizliq» qa seweb bolghanliqini bayan qildi.

«BlackGirl Environmentalist» guruhining qurghuchisi wawa gatéru ékologiyelik muhitning buzulushidin nurghun kishilerning jawabkar  ikenlikini otturigha qoydi.

«Earth Uprising International» guruhining médiya ishliri guruppisining diriktori rém elsaffar kilimat özgirishining tesirini «kilimat kirizisi» dep teswirleshning xata ikenlikini qeyt qildi, hemde bu mesilini insanlarning keltürüp chiqarghanliqini tekitlep mundaq dédi: «ümidimizni yoqitip qoymay kilimat özgirishining tesirige qarshi hel qilish charisi tépishqa tirishishimiz kérek.»