güler firansiye dölet mudapie ministiri bilen körüshti
dölitimiz (türkiye jumhuriyiti) dölet mudapie ministiri yashar güler biryussélda firansiye dölet mudapie ministiri sébastiyén lékornu bilen körüshti.
2000424
türkiye awazi radiyosi xewiri: dölet mudapie ministiri yashar güler tünügün (15-iyun) shimaliy atlantik ehdi teshkilati dölet mudapie ministirliri yighinigha qatnishish üchün yétip barghan bélgiyening paytexti biryusséldiki nato bash ishtabida, ikki tereplik uchrishishlirini dawamlashturmaqta.
bu dairide, güler firansiye dölet mudapie ministiri lékornu bilen körüshti.
ikki tereplik, rayonluq mudapie, bixeterlik we shimaliy atlantik ehdi teshkilati mesililiride özara pikir almashturulghan uchrishishta, firansiye dölet mudapie ministiri lékornu ministir gülerning türkiyening yéngi dölet mudapie ministiri bolghanliqini tebriklidi hemde uninggha muweppeqiyet tilidi.
