erdoghan bérloskoni üchün teziye bayanati élan qildi
dölitimiz (türkiye jumhuriyiti) jumhur reisi rejep tayyip erdoghan 86 yéshida wapat bolghan italiyening sabiq bash ministiri silwiyo bérloskoni üchün teziye bayanati élan qildi.
türkiye awazi radiyosi xewiri: jumhur reis rejep tayyip erdoghan ammiwi ortaqlishish tor bétidiki sehipiside türkche we italyanche élan qilghan teziye bayanatida mundaq dédi: «qedirlik dostum siliwiyo bérloskonining wapatidin chongqur qayghurdum, uning bilen uzun yil bille ishligeniduq.»
rejep tayyip erdoghan pütkül italiye xelqige teziye bildürdi, bérloskonining ailisidikilirige we yéqin – yoruqlirigha chin könglidin hésdashliq bildürdi.
erdoghan bayanatida, bérloskoni bilen bille chüshken xatire süretlergimu orun berdi.
italiyening sabiq bash ministiri, ong qanat birleshme hökümitining shériki forza italiye partiyesi rehbiri siloiyo bérloskoni tünügün (12-iyun) alemdin ötkenidi.
yéqindin buyan éghir késl bolup yétip qalghan bérloskoni 4-ayning 5-künidin 5-ayning 19-künigiche san raffalélé doxturxanisida sozulma xaraktérlik aq qan késili bilen munasiwetlik öpke yallughi sewebidin dawalanghanidi.
