ئانتاليا ئايرودۇرۇمى ئۇچۇش نىسبىتى ئەڭ يۇقىرى ئايرودۇرۇم بولدى

تۈركىيە ئاۋازى رادىيوسى خەۋىرى: ئانتاليادا ساياھەتچىلىك ساھەسىنىڭ جانلىنىشىغا ئەگىشىپ ھاۋا قاتنىشىىمۇ جانلىنىپ كەتتى.

دۆلەتلىك ئايرودۇرۇملارنى باشقۇرۇش باش ئىدارىسىنىڭ ئاممىۋى ئورتاقلىشىش تور بېتىدىكى سەھىپىسىدە ئېلان قىلىنغان باياناتتا بىلدۈرۈلۈشىچە، ئانتاليا ئايرودۇرۇمى 10-ئىيۇن شەنبە كۈنى ئايروپىلان قاتنىشىدا يېڭى رېكورت ياراتقان.

ئانتاليا ئايرودۇرۇمىدا بۇ يىلنىڭ ئالدىنقى 6 ئېيىدا ئىچكى لىنىيەلەردە 116، تاشقى لىنىيەلەردە 954  بولۇپ، جەمئىي 1070 ئايروپىلان قاتنىشى  ئىشقا ئاشۇرۇلغان.

10-ئىيۇن كۈنى ئانتاليا ئايرودۇرۇمى ئىچكى – تاشقى لىنىيەلەردە جەمئىي 182 مىڭ 113 مېھماننى كۈتۈۋالغان. شۇنىڭ بىلەن، ئانتاليا ئايرودۇرۇمى ھاۋا قاتنىشى بۇ يىلنىڭ دەسلەپكى 6 ئېيى ئىچىدە ئەڭ يۈكسەك سەۋىيەگە يەتكەن.