erdoghan ukraina pirézidénti zélénskiy bilen körüshti
türkiye jumhur reisi rejep tayyip erdoghan ukrainaning xérson rayonida ruslarning kontrolluqidiki kaxowka tosmisidiki partlashqa teshkillinidighan xelqaraliq komitét üchün, türkiyening qolidighan kélidighan barliq tirishchanliqlarni körsitidighanliqini bildürdi.
türkiye awazi radiyosi xewiri: türkiye jumhur reisi rejep tayyip erdoghan ukraina pirézidénti wolodimir zélénskiy bilen téléfonda körüshti.
u körüshüshte, kaxowka su tosmisidiki partlashni tekshürüsh üchün bir xelqaraliq komitétning teshkillinishi mumkinlikini, türkiyening komitét üchün qolidin kélidighan barliq tirishchanliqlarni körsitishke teyyar ikenlikini bildürdi.
tünügün (2023-yili 6-iyun) ukrainaning xérson rayonida ruslarning kontrolluqi astidiki kaxowka tosmisining partlitilishi bilen éghir buzghunchiliqqa uchrishi sewebidin, dinyépér deryasining su sewiyesi téz örligen idi. netijide, yéngi kaxowka deryasi su astida qalghan idi.
rusiye dairiliri ahalilerni sheherge we kelkünning tesirige uchrighan golopristanskiy we aléski rayonlirigha tarqaqalashturushni qarar qilghan idi.
rusiye bilen ukraina weqedin kéyin bir-birini eyibleshni bashliwetken idi.
