her qaysi döletlerning tashqi ishlar ministirliri xaqan fidanni tebrikleshni dawamlashturmaqta
jumhur reis rejep tayyip erdoghan teripidin élan qilinghan yéngi kabinétta tashqi ishlar ministirliqigha teyinlengen xaqan fidan xizmetdashliridin tebrik télégrammilirini tapshuruwélishni dawamlashturmaqta.
türkiye awazi radiyosi xewiri: israiliye tashqi ishlar ministiri éli koxén tiwittérdiki adrésida xaqan fidanning tashqi ishlar ministirliqigha teyinlishi munasiwiti bilen tebrik uchuri hembehrilidi.
koxén tebrik uchurida: «ministir fidan ependi, sizning türkiye tashqi ishlar ministirliqigha teyinlengenlikingizni tebrikleymen. dewrimizning xirislirigha taqabil turush üchün aldimizda qilidighan nurghun ishlar bar. men döletlirimiz we rayonimizgha paydiliq munasiwitimizni birlikte téximu tereqqiy qilduridighanliqimizgha ishinimen» dégen ibarilerge orun berdi.
sérbiye tashqi ishlar ministiri iwika dajij, shimaliy makédoniye tashqi ishlar ministiri bujar osmani, kosowu tashqi ishlar, qoshumche diyaspora ministiri donika gérwalla, qirghizistan tashqi ishlar ministiri jéénbék qulubayéw, polsha tashqi ishlar ministiri zibnigéw raw qatarliqlar ijtimaiy taratqudiki adréslirida uchur hembehrilep, xaqan fidanning yéngi wezipisini tebriklidi.
ministir fidan küweyt tashqi ishlar ministiri sheyx salim abdullah eljabir essabah, aljiriye tashqi ishlar ministiri ehmed ettaf we malayshiya tashqi ishlar ministiri zambri abdulqadir qatarliqlar bilen ayrim – ayrim halda téléfonlashti.
téléfon söhbetliri jeryanida, mensepdashliri ministir fidanning yéngi xizmitini tebriklidi.
