dunya rehberliri erdoghanni tebrikleshni dawamlashturmaqta
dunya rehberliri jumhur reislikke qayta saylanghan rejep tayyip erdoghangha tebrik téléfoni qilish we télégramma yollashni dawamlashturmaqta.
türkiye awazi radiyosi xewiri: shimaliy qibris türk jumhuriyiti jumhur reisi ersin tatar, iyordaniye padishahi abdullah ikkinchi, wénézuéla pirézidénti nikolas maduro, girétsiyening sabiq bash ministiri we yéngi démokratiye partiyesi rehbiri kiryakos michotakis, liwiye dölet mejlisi reisi xalid emmar elmishri qatarliqlar jumhur reis erdoghangha téléfon qilip, uning saylamdiki utuqlirini tebriklidi we netijining türkiye xelqi üchün xeyrlik bolushini tilidi.
shimaliy atlantik ehdi teshkilati — nato bash katipi yéns stolténbérgmu jumhur reis erdoghangha téléfon qilip, qayta saylanghanliqini tebriklidi.
stolténbérg ijtimaiy taratquda élan qilghan bayanatida, téléfon söhbiti jeryanida 7- ayda wilnyusta ötküzülidighan nato bashliqlar yighini, ukrainani qollash, natoning yaltaytish qudriti we mudapie ishlirini kücheytish, shiwétsiyening natogha eza bolushi qatarliq muhim mesililerning muzakire qilinghanliqini bildürdi.
erméniye fondilar birleshmisi reisi bedros shirinoghlumu tebrik télégrammisi yollap, erdoghanning jumhur reislikke qayta saylanghanliqini tebriklidi.
