yüzdin artuq dölet jumhur reis erdoghanning qayta saylanghanliqini tebriklidi

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin  altun özining ijtimaiy taratqudiki adrésida bayanat élan qilip, dunya rehberlirining jumhur reis erdoghanning saylamdiki muweppeqiyitini tebrikleshni dawamlashturuwatqanliqini bildürdi.

ezerbeyjan, özbékistan, türkmenistan, qazaqistan, amérika qoshma ishtatliri, rusiye, ukraina, engliye, gérmaniye, firansiye, gollandiye, qatar, ereb birleshme xelipiliki, misir, pelestin, israiliye, liwiye, giwinéye bissaw, pakistan qatarliq döletlerning dölet we hökümet bashliqlirining jumhur reis erdoghangha biwasite téléfon qilip tebriklirini yetküzgenlikini bildürgen altun bayanatida: «jumhur reisimiz hazirghiche 19 dölettin tebrik téléfoni qobul qildi. buningdin bashqa, 100 din artuq dölet we xelqara teshkilatning rehbiri yazma halette hörmetlik jumhur reisimizning qayta saylanghanliqini tebriklidi. hörmetlik jumhur reisimiz rehber diplomatiyemizning pursetliridin ikki tereplik munasiwetlirimizni tereqqiy qildurush, rayon we xelqaraliq saqliniwatqan mesililerge chare tépish, tinchliq we muqimliqqa töhpe qoshush qatarliq jehetlerde paydilinishni yéngi dewrdimu dawamlashturidu» dégen ibarilerge orun berdi.