altun: türkiye esiri (yüz yili) bashlandi
türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun türkiyediki jumhur reis saylimidin kéyin, türkiye esirining resmiy bashlanghanliqini éytti.
türkiye awazi radiyosi xewiri: fahrettin altun 28 – maydiki jumhur reis rejep tayyip erdoghanning ghelibisi bilen axirlashqan jumhur reislik saylimining ikkinchi aylanmisining netijisi toghrisida ijtimaiy taratqudiki adrésida bayanat élan qilip: «türkiye esiri bashlandi... türkiye özi turuwatqan muqimsizliq dewride rayon we dunyawi mesililerni hel qilishta <muqimlashturghuchi küch> bolushini dawamlashturidu» dédi.
u sözini dawamlashturup: «(jumhur reis erdoghan) türkiye duch kéliwatqan tashqi tehditke, bolupmu térrorluqqa bolghan tonushini östürdi. erdoghan saylighuchilargha tashqi siyaset, dölet bixeterliki, dölet mudapiesi, iqtisad, pen- téxnika, saghlamliq qatarliq ijtimaiy turmushning asasiy amilliri heqqide ümid béghishlidi. jumhur reisimizning rehberlikide, türkiye téximu güllengen, téximu chong we küchlük bolush üchün keng dairilik tereqqiyat pilanini yolgha qoyidu» dégenlerni qeyt qildi.
