erdoghan néfit we tebiiy gaz qidirip tekshürüsh paaliyetliri heqqide melumat berdi

türkiye awazi radiyosi xewiri: jumhur reis erdoghan bir téléwiziye qanilining neq meydan pirogrammisida bergen bayanatida, qidirip tekshürüsh paaliyetliri dawamida tebiiy gaz tapqanliqlirini tekitlep mundaq dédi: «elwette, bu yerde muhim bolghini tebiiy gaz zapisidur. aldi bilen qaradéngiz we sakaryada néfit we tebiiy gaz qidirip tekshürüsh paaliyetliri élip barghaniduq. hazir ordo we rize wilayetliride qidirip tekshürüsh paaliyetliri dawamlishiwatidu. ordo we rize wilayuetlirimizning biridin néfit, yene biridin tebiiy gaz tépildi. bu zapaslirimiz arqiliq oxshimighan yoshurun küchke ige bolimiz.»

erdoghan nishanlirining döletning bayliqini xelq bilen ortaqlishish ikenlikini ipadilep mundaq dédi: «gherbiy qaradéngiz rayonidiki (néfit-tebiiy gaz) qidirip tekshürüsh paaliyetlirimizni nöwette  ottura we sherqiy qaradéngiz rayonigha merkezlteshtürüwatimiz. bolupmu bu paaliyetlirimiz ordu we kastamonu déngiz sahillirida qoyuq dawamlishiwatidu. ordu wilayitidiki qidirip tekshürüsh paaliyetliri tamamlandi. néfit we tebiiy gaz  qidirip tekshürüsh dawamida, gabar téghidiki shéhit esma chewik sahemizde néfit bayqalghandin kéyin, qidirip tekshürüsh paaliyetlirimizni qoyuqlashturduq. bu jeryanda bu sahege yéqin bir rayonda türkiye tarixidiki eng chong néfit zapisini taptuq. bu rayongha shéhit oqutquchi aybüke yalchinning ismini qoyduq.»

«bu yerde, yéngi burghilash paaliyetliri arqiliq künige 100 ming waril néfit ishlepchiqirimiz. bu kishini heyran qalduridighan bayliqtur. biz bügünki künde néfit izdewatqan bu taghlarda öz waqtida térrorchilar aylinip yüretti. bu térrorchilar sewebidin, bu yerde bundaq qidirip tekshürüsh paaliyetlirini élip bérish mumkin bolmaywatatti.»