«xizir reis» namliq asti paraxoti sugha chüshürüldi
türkiye dölet mudapie ministirliqi «xizir reis» namliq yéngi tiptiki ikkinchi su asti paraxotining sugha chüshürülgenlikini jakarlidi.
türkiye awazi radiyosi xewiri: dölet mudapie ministirliqining ammiwi ortaqlishish tor béti Twitter sehipiside bu heqte élan qilghan bayanatida, mundaq déyildi: «<xizir reis > namliq ikkinchi su asti paraxotimiz 2023 – yili 23 – may küni sugha chüshürüldi. déngiz armiyemizge xeyrlik bolsun!»
göljük paraxot zawutida yasalghan «xizir reis (S-330)» namliq tunji su asti paraxoti 2021 – yili martta sugha chüshürülgenidi. bu layihe dairiside, « TCGxizir reis» namliq su asti paraxoti bilen « TCGselman reis» namliq su asti paraxoti tunji kepsherlesh murasimi 2022-yili 5-ayning 23-küni jumhur reis rejep tayyip erdoghanning ishtirak qilishida ötküzülgenidi.
hawadin musteqil heriketlendürgüch sistémisi seplengen «reis» namliq su asti paraxotliri bu alahidiliki arqiliq su yüzige chiqmastin su astida uda bir nechche hepte meshghulat élip bérish pursitige érishidu.
töwen shawqun yol bashlash iqtidarigha ige bu su asti paraxotliri uzun muddet mexpiy meshghulat élip bérish, 40 xadim sighish iqtidarigha ige bolup, uzunluqi 68 métir kélidu, éghirliqi 2 ming tonnidin ashidu.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.