p k k terepdarliri bélgiyede türkiyelik saylighuchilargha hujum qildi
bélgiyening paytexti biryussélda bölgünchi térrorluq teshkilati p k k terepdarliri türkiyelik saylighuchilargha hujum qildi.
türkiye awazi radiyosi xewiri: bélgiyening paytexti biryussélda bölgünchi térrorluq teshkilati p k k terepdarliri 28- may türkiyede ötküzülidighan jumhur reis saylimining ikkinchi aylanmisigha bélet tashlawatqan bir yashqa tighliq eswab bilen hujum qilip, yüzini yarilandurdi.
yarilanghan yashqa yardem bérishni xalaydighanlar bilen hujum qilghuchilar otturisida jiddiychilik yüz berdi؛ neq meydangha nurghun saqchi ewetildi.
weqeni öz közi bilen körgüchiler mezkur yashqa hujum qilghuchilarning p k k térrorluq teshkilatini qollap shoar towlighanliqini, weqe jeryanida bir qisim mashinilarning talapetke uchrighanliqini bildürdi.
yarilanghan yash qutquzush mashinisi bilen doxturxanigha élip bérildi.
saylighuchilar we bélet sanduqi mesulliri bélet tashlash jeryani mesile chiqmastin axirlashqandin kéyin, körgezme rayonidin ayrildi.
aldinqi künimu p k k terepdarliri saylam sanduqi közetküchilirige hujum qilghan؛ tömür chiwiq we orunduqlar bilen qilinghan hujumda ikki kishi yarilanghanidi.
