чәт әлләрдә аваз ташлаш бүгүн ахирлишиду

түркийә авази радийоси хәвири: җумһур рәислик сайлиминиң иккинчи айланмиси үчүн чәт әлләрдә тизимға елинған 3 милйон 423 миң 759 сайлиғучидин 1 милйон 763 миң 973 киши һәр қайси дөләтләрдики әлчихана-консулханилири вә таможна, чегра еғизлирида аваз ташлиди.

алий сайлам комитетиниң сайлам вақит җәдвилигә қариғанда, чәт әлләрдики түркийәлик сайлиғучилар 73 дөләттики 151 әлчихана-консулханиларда, йәни 151 нуқтида сайлам сандуқи тәсис қилинған.

чәт әлләрдә аваз ташлаш ишлири 20-май (2023) башланған болуп, бүгүн (24-май) шу йәр вақти 22.00 дә ахирлишиду. таможниларда болса, 28-май саәт 17.00 гичә давамлишиду.

чәт әлләрдә аваз ташлаш ишлири ахирлашқандин кейин, авазлар алий сайлам комитети бекиткән бәлгилимә бойичә қаттиқ бихәтәрлик тәдбирлири астида, дипломатик хадимлар тәрипидин түркийәгә елип келиниду.

чәт әлләрдә ташланған авазлар, түркийәдә 28-май 17.00 дә сайлам ахирлашқандин кейин, сайлам сандуқидики авазларни санаш башланғанда санилиду.