әрдоған: түркийәниң мусапирларниң йуртлириға бихәтәр қайтишиға мунасивәтлик түрлири бар
җумһур рәис рәҗәп таййип әрдоған һөкүмәтниң сүрийәликләрни өз дөләтлиригә қайтурушқа мунасивәтлик түрләрни йолға қойуватқанлиқини тилға елип: «бизниң 1милйон мусапирниң у йәрләргә қайтишиға мунасивәтлик пиланимиз бар» деди.
түркийә авази радийоси хәвири: җумһур рәис әрдоған түркийә радийо- телевизийә идариси — т р т қаналлириниң нәқ мәйдандин биваситә улап тарқитилидиған мәхсус сөһбәт пирограммисиға қатнишип, журналистларниң күнтәртипкә мунасивәтлик соаллириға җаваб бәрди.
әрдоған түркийә һөкүмитиниң дөлитидә йүз бәргән ички уруштин қечип түркийәгә кәлгән сүрийәликләрниң йурт - маканлириға бихәтәр қайтип кетишини қолға кәлтүрүшкә тиришиватқанлиқини тәкитлиди.
уларниң бихәтәр қайтип кетишигә капаләтлик қилиш үчүн сүрийәниң шималида ботка өйләрни салғанлиқлирини, һазирғичә 560 миң сүрийәликниң дөлитигә қайтип кәткәнликини әскәрткән әрдоған: «бизниң йәнә 1милйон мусапирниң у йәрләргә қайтишиға мунасивәтлик пиланимиз бар. әлвәттә, бу вақитниң өтүшигә әгишип әмәлгә ашиду. биз сүрийәликләрниң бихәтәр һаләттә дөләтлиригә қайтип кетишини әмәлгә ашурушқа тиришишни давамлаштуримиз» дегәнләрни қәйт қилди.
у чеграларға әң йеңи техникилар қоллинилған үскүниләрниң орунлаштурулғанлиқиға ишарәт қилип: «нөвәттә түркийәниң чегралири илгири көрүлүп бақмиған дәриҗидә бихәтәр» деди.
түркийәниң сүрийәниң шималидики һәрбий мәвҗутлуқиниң давамлишидиғанлиқиниң сигналини бәргән әрдоған: «сүрийәниң шималидин әскәр чекиндүргиниңиздә, һәм бихәтәр болмайду һәмдә көчмәнләрниң көчүш әһваллири көпийиду» деди.
түркийәниң бөлгүнчи террорлуқ тәшкилати — п к к ға қарши күришиниң мувәппәқийәтлик давамлишиватқанлиқини билдүргән җумһур рәис әрдоған: «бизниң п к к вә униң гумаштилириға қарши күришимизни дөләт ичи, шундақла сиртида давамлаштуруш ирадимиз қәтий. уларниң увилирини битчит қилдуқ, қиливатимиз вә қилишни давамлаштуримиз» дегәнләрни сөзлиригә илавә қилди.
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.