nyu york shehiridiki wal stirét kochisida türkiye bayriqi julalidi

türkiye awazi radiyosi xewiri: türkiye - amérika jemiyetliri fédératsiyesi teripidin uyushturulghan 23-nöwetlik eneniwi bayraq chiqirish murasimi amérika qoshma ishtatlirining nyu york shehiridiki dunyagha dangliq pul-muamile merkizi wal sitrét kochisida ötküzüldi.

dunyagha dangliq mis kala heykili jaylashqan bowling yéshil baghchisida türkiye bayriqi tentenilik halda chiqirildi.

40 – nöwetlik türkler küni yürüsh paaliyiti munasiwiti bilen ötküzülgen murasimgha türkiyening birleshken döletler teshkilatida turushluq daimiy wekili sedat önal we türkiyening nyu york bash konsuli reyhan özgürmu qatnashti.  

türkiyening nyu york bash konsuli reyhan özgür axbarat wasitilirigha bu heqte bergen bayanatida, mundaq dédi: «2023-yili jumhuriyitimiz qurulghanliqining 100 yilliqini tebriklewatimiz. shundaqla  19-may atatürkni xatirilesh, yashlar we tenterbiye bayrimi künini qizghin tebriklewatimiz. bu munasiwet bilen, shanliq bayriqimizni puqralirimiz we chet ellik dostlirimiz bilen birlikte cheksiz hayajan ilkide nyu york shehirining dunyagha dangliq pul muamile merkizi wal sitrét kochisigha astuq. bu intayin hayajanliq we tentenilik bir paaliyet boldi.»

reyhan özgür murasim jeryanidiki birlik we barawerlik keypiyatining türkiye – amérika jemiyetliri fédératsiyesining «amérika qoshma ishtatlirida érqishken nopuzini namayan qilishi jehettin» nahayiti zor ehmiyetke ige ikenlikini tekitlidi.

türkiye bayriqining amérika bayriqi bilen bille chiqirilishidin kéyin  qoyulghan ussul nomurliri türkiyelik we amérikaliq tamashibinlarning qizghinliq alqishigha érishti.