milliy istixbarat idarisi süriyede yene bir qétim ünümlük zerbe bérish herikiti élip bardi
türkiye jumhuriyiti milliy istixbarat (dölet bixeterlik) idarisi — MIT süriyede daéshqa ejellik zerbe berdi.
türkiye awazi radiyosi xewiri: türkiye jumhuriyiti milliy istixbarat (dölet bixeterlik) idarisi — MIT süriyede zerbe bérish herikiti élip bérip, üstidin tutush buyruqi chiqirilghan térrorchilar téizimlikining qizil renglik katégoriyesidiki daéshning atalmish sabiq türkiye waliysi shahap warish qatarliq töt térrorchini qolgha chüshürdi.
bixeterlik menbelirining bildürüshiche, türkiye jumhuriyiti milliy istixbarat idarisi xadimliri süriyediki charlash xizmetliri jeryanida ornini éniqlighan töt térrorchini qolgha chüshürüp, türkiye bixeterlik orunlirigha tapshurup bergen.
qolgha chüshürülgen térrorchilarning birining üstidin tutush buyruqi chiqirilghan térrorchilar tizimlikining qizil renglik katégoriyesidiki daéshning atalmish sabiq türkiye waliysi shahap warish ikenliki jezmleshken.
warishning türkiyede daésh teripidin élip bérilishi pilanlanghan bolsimu, türkiye bixeterlik qisimliri teripidin aldi élinghan nurghun térrorluq heriketliri bilen munasiwiti barliqi éniqlandi.
