erdoghan elburhan bilen téléfonlashti
dölitimiz (türkiye jumhuriyiti) jumhur reisi rejep tayyip erdoghan sudan igilik hoquqi kéngishining reisi général abdulfettah abdurrahman elburhan bilen téléfonda körüshti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, ikki rehberning téléfon söhbitide, jumhur reis erdoghan sudanda yüz bergen qérindashlar ara toqunushlarda adem ölüsh we yarilinish ehwallirining köpiyip kétishige bolghan qayghusi we endishesini otturigha qoyghan.
erdoghan terepler keng dairiliik söhbet ötküzüshke bashlashni qarar qilghan teqdirde, söhbetke sahibxanliq qilishqa teyyar ikenliklirini, sudan xelqining jiddiy insanperwerlik éhtiyajini qandurush üchün birleshken döletler teshkilati bilen bolghan alaqide tirishchanliqlirini dawamlashturidighanliqlirini tekitligen.
téléfon söhbitide yene, sudandiki türkiye puqralirini tarqaqlashturush xizmiti we bixeterlikige munasiwetlik mesililermu muzakire qilinghan.
igilinishiche, sudanda armiye terep bilen téz yardem bérish küchliri otturisida texminen bir aydin buyan dawamlishiwatqan toqunushlarda yüzlerche kishi hayatidin ayrilghan.
