erdoghan: chégra halqighan herbiy heriketlirimiz üchün muwapiq peytni kütüwatimiz
dölitimiz (türkiye jumhuriyiti) jumhur reisi rejep tayyip erdoghan chégra halqighan herbiy heriketlerning axirlashmighanliqini, peqet muwapiq peytni kütüwatqanliqlirini éytti.
türkiye awazi radiyosi xewiri: jumhur reis erdoghan bir téléwiziye qanilining neq meydan pirogrammisida, térrorizmgha qarshi küresh heqqide toxtalghanda, mundaq dédi: «milliy bixeterlikimizge tehdit shekillendürüwatqan barliq térrorluq teshkilatlirigha qarshi tariximizdin buyanqi eng keng dairiliik we eng ünümlük küreshlerni élip barduq. bu dairide, gabar téghida, judi téghida, tendürek rayonida we bestler deryasi boyida térrorchilarni yoqattuq.»
erdoghan térrorizm, herbiy - siyasiy özgirish teshebbusliri arqiliq özlirini aghdurup tashlash nishanigha yételmigen küchlerning nöwette istratégiyelirini özgertkenlikini؛ süriye chégrasida qurulmaqchi boluwatqan térrorluq karidorining buning eng roshen misali ikenlikini qeyt qildi.
jumhur reis erdoghan türkiyening chégra halqighan herbiy heriketler arqiliq bu qamalni uda 3-4 qétim bitchit qilghanliqini tekitlep mundaq dédi: «xudayim buyrusa, bu qamalning qalghan qisimlirinimu tedrijiy halda weyran qilimiz. jümlidin chégra halqighan herbiy heriketlirimiz axirlashqini yoq, peqet muwapiq peytni kütüwatimiz.»
