türkiye hawa yolliri shirkiti palérmogha uchushni yolgha qoydi
türkiye hawa yolliri shirkiti italiyening tarixiy sayahet sheherliridin biri bolghan palérmogha istanbuldin biwaste uchushni yolgha qoydi.
türkiye awazi radiyosi xewiri: istanbuldin etigen saet 06.45 de uchqan «TK 1373» tipliq tunji nöwetchi ayropilan shu jay waqti etigen saet 8.30 de italiyening palérmo ayrodurumigha qondi.
türkiye hawa yolliri shirkitining bash diréktori bilal ekshi bu munasiwet bilen ötküzülgen murasimda qilghan sözide mundaq dédi: «dunya boyiche 344, italiyediki 9- uchush nuqtimiz bolghan palérmo shehirinimu uchush torimizgha qoshtuq, buningdin intayin xursenmiz. italiye bilen bolghan munasiwetlirimizni kücheytish arqiliq, méhmanlirimiz (yoluchilirimiz) ni türkiye hawa yolliri shirkitining ayropilanliri bilen uchushning özgiche alahidilikliri hemde istanbuldin palérmogha sozulghan güzel menzirelerdin behrimen qilishni nishan qiliwatimiz.»
igilinishiche, istanbul – palérmo nöwetchi ayropilanliri heptide töt kün, düshenbe, jüme, charshenbe we yekshenbe künliri özara qatnaydiken.
