erdoghan gabardiki néfit bayqash heqqide toxtaldi

türkiye awazi radiyosi xewiri: erdoghan ijtimaiy alaqe torida yashlargha xitaben élan qilghan bayanatida, tünügün jumhuriyet tarixidiki eng chong néfit zapisini judi gabarda bayqashning xushalliqini  ortaqlashqanliqini eskertti.

erdoghan: «bir chaghlarda térrorchilar aylinip yürgen taghlirimizdin emdilikte yürikimizni azablaydighan xewerler emes, belki xush xewerler kelmekte» dédi hemde türkiyening dunya boyiche eng chong néfit zapisi bolghan istratégiyelik muhim bir rayongha jaylashqan dölet ikenlikini, emma yénidila néfit we tebiiy gaz étilip chiqiwatqan türkiyening bu jughrapiyilik bayliqliridin uzun yillardin buyan paydilinalmighanliqini we paydilinishigha yol qoyulmighanliqini éytti.

erdoghan yene mundaq dédi:

«émpiryalist küchlerning bölgünchi térrorluq teshkilatlirigha we süriyediki quyruqchilirigha unche köp qorallarni néme üchün bergenlikini, dölitimizni bir térorluq karidori arqiliq néme üchün qorshashni xalaydighanliqini mana emdi téximu yaxshi chüshienmektimiz. yer asti we yer üsti bayliqlirimizni ishlitishimizge tosqunluq qilidighan herqandaq küchni yéngimiz. herqandaq tosalghuni bösüp ötimiz. bunimu inshaallah siler üchün siler bilen birlikte ishqa ashurimiz»