türkiye, rusiye we ukraina dölet mudapie ministirliri istanbulda uchrishidu

türkiye awazi radiyosi xewiri: dölet mudapie ministiri xulusi aqar rusiye – ukraina urushi sewebidin otturigha chiqiwatqan «ashliq kirizisi» xewpini tügitish meqsitide, türkiyening tirishchanliqliri netijiside shekillendürülgen «ashliq karidori» pilanigha munasiwetlik soallargha jawab berdi.

aqar jumhur reis rejep tayyip erdoghanning teshebbus qilishi netijiside mudditi uzartilghan «ashliq karidori kélishimi» ning hazirqi ehwaligha munasiwetlik soalgha jawab bérip, türkiye, rusiye, süriye we iran dölet mudapie ministirliri bilen istixbarat idariliri bashliqlirining moskwada chaqirilghan töt tereplik yighini dairiside rusiye dölet mudapie ministiri sérgéy shoygu bilenmu körüshkenlikini qeyt qildi.

ministir aqar 18-aprél küni qeyseride ukraina ul- eslihe ministiri oléksandér kubrakow bilen körüshkenlikini eskertip mundaq dédi: «uchrishishlirimizda <ashliq kélishimi pilani> toghriliqmu muzakire élip barduq. bu dairide her ikki terepning bizning teklipimizni qobul qilishi netijiside, türkiye, ukraina we rusiye muawin dölet mudapie ministirlirining 5-may jüme küni istanbulda uchrishishi pilanlandi.»

«istanbul yighinida <ashliq kélishimi> ni öz ichige alghan bezi mesililer muzakire qilinidu. <ashliq kélishimi> pilanining dawamliq muweppeqiyetlik ijra  qilinishini ümid qilimiz. chünki bu kélishim rayonning tinchliqi we muqimliqi, shundaqla éhtiyajliq döletler üchün intayin muhim.»

bu dairide shundaq déyeleymizki, terepler <ashliq kélishimi> ning mudditini uzartishni xalaydu. bizning arzuyimiz <ashliq kélishimi> ning mudditini héchqandaq bir mesilige duch kelmestin muweppeqiyetlik halda uzartishtur.»