bash elchi önal b d t xewpsizlik kéngishining ret qilish hoquqini tenqid qildi

türkiye awazi radiyosi xewiri: türkiyening birleshken döletler teshkilatida turushluq daimiy wekili bash elchi sedat önal, ret qilish hoquqini ishqa sélishning heriketke ötüshning aldini élip, kirizislerning dawamlishishini keltürüp chiqiriwatqanliqini otturigha qoydi.

bash elchi sedat önal birleshken döletler teshkilati omumiy kéngishining «ret qilish hoquqidin paydilinish» témiliq yighinidiki sözide, xewpsizlik kéngishining barliq eza döletlerge wakaliten heriket qiliwatqanliqini, qanuniy salahiyitini b d t ezaliridin alghanliqini tekitlep: «nurghun ehwallarda biz b d t xewpsizlik kéngishining mesuliyiti orundiyalmighanliqini we hoquqini ishqa salalmighanliqini körüwatimiz» dédi.

bash elchi sedat önal sözini dawamlashturup, saqliniwatqan bu mesilining négizide daimiy ezalarning ret qilish hoquqidin paydilinishining yatidighanliqigha isharet qilip ötti.

u tekitlep, nurghun ehwallarda ret qilish hoquqidin paydilinishning kirizislerning dawamlishishi we insaniy bedelning éghirlap kétishini keltürüp chiqiriwatqanliqini éytti.