erdoghan xususiy téléwiziye qanallirining birleshme neq meydandin tarqitish pirogrammisigha qatnashti
jumhur reis rejep tayyip erdoghan puqralarning qaradéngiz gazining paydisini kündilik turmushida körüshke bashlaydighanliqini éytti.
türkiye awazi radyosi xewiri: jumhur reis erdoghan xususiy téléwiziye qanallirining birleshme neq meydandin tarqitish pirogrammisida küntertipke alaqidar soallargha jawab berdi we puqralarni iqtisadiy jehettin yéniklitidighan shundaqla sétiwélish küchini ashuridighan tedbirlerni alliburun yolgha qoyghanliqini hemde yolgha qoyushni dawamlashturidighanliqini bildürdi.
erdoghan ishchidin memurlarghiche, pénsiyege chiqqanlardin tartip aile ayallirighiche bolghan barliq qatlamlarni qollap quwwetleydighan pirogrammilarni teyyarlighanliqlirini tilgha élip: «puqralirimiz qaradéngiz gazining dölitimizge yetküzidighan paydisini kündilik turmushida körüshke bashlaydu» dédi.
erdoghan adalet we tereqqiyat partiyesi merkiziy yashlar shöbisi teripidin paytext enqerede uyushturulghan «yashlar üchün derhal, hazirla» namliq pirogrammidiki sözide, qaradéngiz tebiiy gazi yaritidighan bayliqlar bilen puqralargha bolghan yardemni ashuridighanliqini éytti.
