chawushoghlu atalmish ermen dewalirigha naraziliq bildürdi

türkiye awazi radiyosi xewiri: mewlüt chawushoghlu tünügün (24-aprél) bir téléwiziye qanilining pirogrammisigha qatniship, küntertip heqqidiki soallargha jawab berdi.

u tarix mesiliside siyasetchilerning höküm chiqirishining intayin xata ikenlikini eskertip, tarixni oxshimighan menbelerdin oqush kéreklikini qeyt qildi.

u: «bizning tariximizda irqiy qirghinchiliq deydighan bir nerse yoq. biz hemme yerni pethi qilduq, bashqurduq, emma yene u yerlerni eslige keltürüp, büyük miraslarni qaldurduq. her qaysi milletler özining dini, tili we milliy qurulmisi bilen musteqilliqini qolgha keltürgendin kéyin, bularni qoghdap yashashni dawamlashturghan» dédi.

u émbargolar sewebidin rusiyening ashliqini gherb döletlirige satalmighanliqini eskertip: «rusiyening teleplirini qandurushqa tirishiwatimiz. eger biz buni emelge ashuralisaq-emelge ashuralaydighanliqimizgha ishinimiz-ashliq kélishimining mudditi yene bir qétim uzirarydu, uzirishi kérek. undaq bolmighanda, kirizis yüz béridu» dédi.

u rusiye-ukraina otturisida türkiyening muressechilik rol oynighanliqi üstide toxtilip: «muressechilik ishlirini men qiliwatimen, shunga hemmeylen manga hewes qiliwatidu. biz bolmighan bolsaq ashliq kélishimi tüzülmeytti» dédi.

u amérikaning p k k|y p g térrorluq teshkilatini qollawatqanliqigha ima qilip, mundaq dédi:

«elwette, térrorluqqa qarshi küreshte amérikagha ishenmeymen. némishqa ishinimen? firansiyegimu ishenmeymen. qosh ölchem bar, ikki yüzlimichilik bar.»