aqar: türkiye armiyesi yéqinqi üch kün ichide 18 térrorchini bir terep qildi
türkiye jumhuriyiti dölet mudapie ministiri xulusi aqar türkiye armiyesining yéqinqi üch kün ichide iraq we süriyening shimalida 18 térrorchini bir terep qilghanliqini bildürdi.
türkiye awazi radiyosi xewiri: dölet mudapie ministiri xulusi aqar türkiyening qeyseri wilayitide bergen bayanatida, türkiye armiyesining jmhuriyet tarixidiki eng keng kölemlik we qoyuq herbiy heriketlerni élip bériwatqanliqini tekitlep mundaq dédi: «türkiye armiyesining bu herbiy heriketliri netijiside köp sandiki térrorchilar bölgünchi térrorluq teshkilati p k k din qachmaqta. buning netijiside p k k halaket girdabigha bérip qalmaqta. xudayim buyrusa, térrorchilar pat yéqinda tamamen yoqilidu.»
aqar türkiye armiyesining chégra rayonliri we türkiye puqralirini qoghdash üchün qandaq qilish zörür bolsa shundaq qiliwatqanliqini eskertip mundaq dédi: «bu térrorchilarning arqisida kim bolushidin, kim ulargha qoral – yaragh, oq-dora yaki tik uchar bérishidin qetiynezer, bizning ulargha qarshi kürishimiz adaqqiche dawamlishidu. jümlidin, bizning kürishimiz taki eng axirqi térrorchi bir terep qilinghangha qeder üzlüksiz dawamlishidu. armiyemiz yéqinqi üch kün ichide iraq we süriyening shimalida 18 térrorchini bir terep qildi.»
ministir aqar türkiye armiyesining térrorchilar kirgili bolmaydighan «mustehkem qorghan» dep qaraydighan jaylarghimu kirip, térrorchilarning uwilirini yer bilen yeksan qiliwetkenlikini tekitlep mundaq dédi: «2015-yili 24 – iyuldin tartip taki hazirghiche jemiy 37 ming 756 térrorchi bir terep qilindi.»