türkiyening urush paraxoti «TCG anadolu» istanbulning sarayburnu rayonigha lengger tashlidi
dunyaning tunji qoralliq uchquchisiz ayropilan toshughuchi paraxoti — TCG anadolu, xelq bilen yüz körüshüsh üchün istanbulning sarayburnu rayonigha lengger tashlidi.
türkiye awazi radiyosi xewiri: nurghun amma türkiyening ghayet zor paraxoti — TCG anadoluning istanbul boghuzidin ötüshini iptixarlanghan halda qiziqip tamasha qildi, xatire süretlerge chüshti.
türkiyening eng chong urush paraxoti bügün (17 – aprél, türkiye waqti) 13:00 tin kéyin, xelqning ziyaret qilishigha échiwétilidu.
uzunluqi 231 métir, kengliki 32 métir kélidighan TCG anadolu, palubisida 94 mashina toshush iqtidarigha ige.
TCG anadoluning qozghilish rayonigha 10 tik uchar ayropilan yaki 11 qoralliq uchquchisiz hawa apparati؛ béket qismigha bolsa, 19 tik uchar ayropilan yaki 30 dane qoralliq uchquchisiz hawa apparati sighidu.
1223 xadim wezipe öteydighan paraxotta toluq esliheleshken bir doxturxana bilen ikki opératsiye bölümimu bar.
türkiye jumhuriyiti dölet mudapie ministiri xulusi aqar TCG anadoluning istanbulda puqralarning ziyaret qilishigha échilidighanliqigha, andin qaradéngizgha qarap ilgirileshni dawamlashturidighanliqigha isharet qilip: «türkiyening küchini körmigenler köridu, anglimighanlar anglaydu» dédi.
igilinishiche, türkiyening ghayet zor paraxoti 17 - aprél 13.00 din 18.00 giche, 18 - apréldin 23 - aprélghiche 10.00 din 18.00 giche ziyaretchilerge échiwétilidiken.
