xulusi aqar térrorchilarning özliri kolighan oreklirige kömülüwatqanliqini éytti
dölet mudapie ministiri xulusi aqar térrorluq teshkilati p k k ezalirining süriyening shimalida özliri kolighan oreklirige kömülüwatqanliqini shundaqla iraqning shimalidiki térrorluq lagérliriningmu yer bilen yeksan qiliniwatqanliqini bildürdi.
türkiye awazi radiyosi xewiri: dölet mudapie minitiri xulusi aqar qeyseride puqralar bilen bir yerge jem boldi. jumhur reis rejep tayyip erdoghanning rehberlikide küchlük we büyük türkiyege aylinish yolida qetiylik bilen ilgirilewatqanliqlirini bayan qilip, döletning yüksélishi we küchiyishidiki eng muhim amillardin birsining bixeterlik ikenlikini éytti.
xulusi aqar: «40 yildin béri musellet bolghan térrorluq balasidin ésil millitimizni qutuldurush üchün qilishqa tégishlik her qandaq ishni qiliwatimiz. dölet ichi tamamlandi. emdilikte térrorchilar süriyening shimalida özliri kolighan oreklirige kömülüwatidu, iraqning shimalidiki térrorluq lagérlirimu yer bilen yeksan qiliniwatidu. panahjayliri, yoshurunush orunliri we uwiliri bashlirigha yiqiliwatidu» dédi.
térrorchilarning arqisida meyli kim bolushidin qetiynezer, küreshning qetiylik bilen dawamlishidighanliqini bayan qilghan xulusi aqar: «eskerlirimiz zor qehrimanliq bilen térrorchilargha zerbe bermekte. biz térrorluq teshkilatining hazir gumran boluwatqanliqini körüwatimiz. buni tosushqa we térrorluq teshkilatini nepes aldurushqa tirishiwatqanlar bar. buning bihude urunush ikenlikini we ularning térrorluqning yimirilishini tosup qalalmaydighanliqini bilishi lazim» dédi.
