تۈركىيە قاتار بىلەن بەھرەيىننىڭ دىپلوماتىك مۇناسىۋەتنى ئەسلىگە كەلتۈرۈش قارارىنى قارشى ئالدى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى تاشقى ئىشلار مىنىستىرلىقى يازما بايانات ئېلان قىلىپ: «دوست ۋە قېرىنداش دۆلەتلەر قاتار بىلەن بەھرەيننىڭ دىپلوماتىك مۇناسىۋەتنى ئەسلىگە كەلتۈرۈش قارارىنى قارشى ئالىمىز. دۆلىتىمىز رايونىمىزدىكى ساقلىنىۋاتقان مەسىلىلەرنى دىيالوگ ۋە ھەمكارلىق ئورنىتىش يولى ئارقىلىق ھەل قىلىش تىرىشچانلىقىنى قوللاشنى داۋاملاشتۇرىدۇ» دېگەنلەرنى قەيت قىلدى.