erdoghan: yer tewreshtin kéyin sélinghan yéza öyliri roza héytta igilirige tapshurulidu
jumhur reis rejep tayyip erdoghan roza héytta ghaziantepning nurdaghi we qahramanmarashning türkoghlu rayonliridiki tünji türküm yéza öylirining igilirige tapshurup bérilidighanliqini bildürdi.
türkiye awazi radiyosi xewiri: jumhur reis erdoghan jumhur reislik mehkimisi binasida 6-féwraldiki qahramanmarashni merkez qilghan yer tewreshlerdin kéyin rayongha yardem bérish üchün barghan sheherlik hökümetler, izdesh- qutquzush guruppiliri we yer tewreshning zerbisige uchrighuchilar bilen birlikte iptar qildi.
yer tewresh rayonida chédir, kontéynér we qorashturulma öylerni qurghanliqini eskertken erdoghan, xelq we döletning pütkül imkaniyetlirini seperwer qilip, yer tewreshning tunji minutliridin tartipla apet rayonigha atlanghanliqini tekitlidi.
weyran bolghan binalarning qalduqlirini tazilash xizmetlirining üzlüksiz dawam qiliwatqanliqini bildürgen erdoghan, yene bir terepte daimiy turalghu qurulushlirining jiddiy dawam qiliwatqanliqini we ularning bir yil ichide pütküzülidighanliqini éytti.
u roza héytta ghaziantepning nurdaghi we qahramanmarashning türkoghlu rayonliridiki tünji türküm yéza öylirining igilirige tapshurup bérilidighanliqini sözlirige ilawe qildi.
