chawushoghlu téléfon diplomatiyesini dawamlashturdi
dölitimiz (türkiye jumhuriyiti) diplomatiye ministiri mewlut chawushoghlu qazaqistan, sénégal we qatar tashqi ishlar ministirliri bilen téléfonlashti.
türkiye awazi radiyosi xewiri: diplomatiye ministiri mewlut chawushoghlu qazaqistanliq mensepdishi murat nurtiliyo, sénégalliq mensepdishi ayssata talsal we qatar bash ministiri, qoshumche tashqi ishlar ministiri muhemmed bin abduraxman alsani bilen ayrim – ayrim téléfonda körüshti.
türkiye tashqi ishlar ministirliqining bu heqtiki bayanatigha qarighanda, chawushoghlu aldi bilen qazaqistanliq mensepdishi murat nurtiliyo bilen téléfonda körüshüp, uning qazaqistanning tashqi ishlar ministiri, qoshumche muawin bash ministiri bolghanliqini tebrikligen.
chawushoghlu 6 – féwral küni qahramanmarashni merkez qilghan türkiyening 11 wilayitide yüz bergen yer tewresh apitidin kéyin qazaqistanning türkiyeni qollap – quwwetligenlikige minnetdarliq bildürgen.
chawushoghlu kéyinche sénégal tashqi ishlar ministiri ayssata talsal bilen téléfonlashqan.
u sénégal we qazaqistan tashqi ishlar ministirliri bilen ikki terep munasiwetliri heqqide muzakire élip barghan.
ministir chawushoghlu axirida qatar bash ministiri, qoshumche tashqi ishlar ministiri muhemmed bin abduraxman alsani bilen téléfonda körüshken.
ikki ministirning téléfon söhbitide, pelestin we afghanistan mesililiri muzakire qilinghan.
